Taliyaha Ciidamada Booliska Degmada Busia, ee Dalka Yugaandha Nelson Nahabwe, ayaa sheegay inay Laamaha ammaanku xireen Maxamed Cabdi Cali oo Soomaali ah, markii lagaga shakiyayΒ inuu ku lug la haa weerar ismiidaamin ahaa oo 11-kii July, 2010- ay Β Al-Shabaab ka geysteen Magaalada Kampala, kaas oo ay ku Naf waayeen ku dhowaad 80 Qof.
Maxamed Cabdi Cali, oo laga qabtay xadka Yugandha ,Β ayaa markii uu baaris ku sameeyay Xafiiska waaxda Socdaalka Dalka Yugaandha la ogaaday, in uu qeyb ka ahaa Dadka la doon doonayay oo lagu eedeynayay weerarkii dhacay Lix Sana ka hor.
Eedeysane Maxamed Cabdi Cali , ayaa ku dooday inuu ka yimid Dalka Kenya kuna sii jeeday waddanka Koofur Afrika,balse waxaa jira tuhun laga qabo ujeeddada socdaalkiisa.
Taliyaha Ciidamada Booliska Degmada Busia, Mr; Nelson Nahabwe,Β ayaa sheegay in Ninkan loo gudbin doono Xarunta ka hortagga argagixisada, si suβaalo dheeraad ah loo weydiidyo.
