Kooxo hubeysan ayaa xalay magaalada Cape Town ee dalka Koofur Afrika ku dilay Macallin Cali Dhaarte oo ahaa Soomaali dukaan ku lahaa magaaladasi.
Wariye Cabdullaahi Ibraahin Dasar oo uga soo warramaya Radio Muqdisho Cape Town ayaa ku soo sheegaya in burcad ka kooban saddex qof o u dhashay waddankaasi ay dileen marxuumka, kaddibna ay qaateen lacag iyo alaab dukaanka taallay.
Dukaan kale oo ay Soomaali leedahay ayay dhaceen kooxdaan ka hor inta aysan dilin marxuumka oo ay ugu yimaadeen goobtiisa ganacsiga.
Alle ha u naxariistee Macallin Cali Dhaarte, Wuxuu ahaa qof ay Soomaalidu aad u garanayeen, wuxuu ka shaqeyn jiray xallinta khilaafaadka dhex mara Soomaalida ku nool magaalada Cape Town.
