Dhammaan dadka jecel kheyrka waxaa laga codsanayaa in ay caawiyaan walaalkeen Sheekh Cali Cabdulaahi Aadan oo ah muwaadin Soomaaliyed oo in muda ah la xanuunsanaa cudur ka haleeley maqaarka waxaana muwaadinkan uu ka soo jeedaa qoys danyar ah oo ku nool magaalada Muqdisho.
Wariyaheena Nuur Saciid Tahliil Axmed oo muwaadinkan Soomaaliyeed oo lagu magacaabo Sheekh Cali Cabdulaahi Aadan oo kamid ah culumada Soomaaliyed isla markaana si wanaagsan u yaqaana diinta islaamka ku booqday hoygiisa oo ku yaala degmada Hodan ee gobolka Banaadir ayaa ehelka Sheekh Cali waxaa ay u sheegeen in xanuunkiisa ka hor uu ahaa qofka kali ah oo qoyska nolal maalmeedka u raadin jiray.
Related posts
Sheekh Cali Cabdulaahi oo ah muwaadinka xanuunsanaya ayaa sheegay in xilliga kuleylka uu dhib weyn ku qabto isagoo intaa ku daray in xilliga kuleelaha marka uu doonaayo in uu weysa qaato maqaarkiisa uu raacaayo biyaha.
Dhakhaatiirka gudaha dalka ka howlgasha ayaa Sheekh Cali u sheegay in xanuunkiisa aan wax ka qaban karin isla markaana ay kula taliyeen in Isbitaalo dibadda ah uu raadsado hase yeeshee uusan taa awoodin.
Sheekh Cali Cabadulaahi Aadan oo inta muddo ah la daalaadhacayay xanuunkan ayaa codsaday in gargaar caafimaad loo fidiyo.
