Dowladda Soomaaliya ayaa ku guuleeysatay in muwaadiniin ku xayirnaa dalka boqortooyada sacuudiga Carabiga sababa ka xariira cudurka safmarka ee Covid-19 ayaa galabta dalka dib ugu soo celisay.
Muwaadiniin Soomaaliyeed oo ku xayirnaa magaalada Jeddah ee dalka boqortoyada Sacuudiga oo ay maanta dowladda Soomaaliyeed ku soo celisay dalka ayaa tiradoodu waxa ay gaareyso 142 ruux oo u badan haweenka Caruur iyo dhallinyaro.
Arrintaan ayaa qeyb ka ah qorshaha ballaaran oo ay dowladda Soomaaliyeed ku dooneyso inay ka ga jawaabto baahida dadkeedu u qabaan in dalkooda lagu soo celiyo.
Duulimaadkaan waa kii Sagaalaad sagaalaas oo ay ka shaqeysay qunsuliyadda guud ee Jeddah in Muwaadiniintaas dib loo soo celiyo.
Dowladda federaalka Soomaaliya ayaa hore ugu guuleysatay inay ka soo daad gureyso muwaadiniin Soomaaliyeed oo ku xanibnaa dalal badan oo caalamka ka mid ah sida Turkiga,Ugaandha,Kenya.Itoobiya,Boqortooyada Sacuudiga iyo dalalka tan iyo markii la hakiyay duulimaadyada caalamiga ee dalka sababa la xariira faafitaanka cudurka Karoona oo saameyn ku yeeshay isku socodka Dunida.
