Kooxo Burcad Koonfur Afrikan ah ayaa Allaha u Naxariistee waxaa ay xalay Gudaha wadankaas ku dileen laba Dhalinyaro Soomaali ah, kuwaas oo kamid ahaa Dhalinyarada ka Shaqeysan jiray dalkaas.
labada dhalinyarada ah oo lagu kala Magacaabi jiray Yaasin Cumar iyo Yuusuf Jowhar ayaa Kooxaha Burcadda ah waxaa ay kudileen Agagaarka Goobo Ganacsi oo kuyaalla Xaafada Kalija ee magaalada Cape Town ee dalkaasi Koofur Afrika, iyaga oo dilka kadib Goobta ka baxsaday.
Saacado kadib waxaa Goobta uu dilka ka dhacay gaaray Ciidamo katirsan Booliska Koonfur Afrika, kuwaas oo sameeyay howlgallo walow aysan ku guuleysan inay gacanta ku dhiigaan Kooxihii ka dambeeyay dilka labada dhalinyarada Soomaalida ahaa.
Bilahii la soo dhaafay waxaa dalka Koonfur Afrika ku soo Β kordhay dilalka lagu hayo muwaadiniinta Soomaaliyeed ee ka ganacsado magalooyinka Koonfur Afrika, waxaana todobaadkan dalkaas lagu dilay in ka badan Shan Ruux oo Soomaali ah, iyada oo laamaha amniga Koofur Afrika aysan illaa hadda waxba ka qaban dhibaatada Muwaadiniinta Soomaaliyeed sida gaarka ah loogu hayo.
