Barnaamijka Ololaha hormarinta Qoraalka iyo Akhriska oo loogu talagalay in lagu soo bandhigo Buugaagta ay qoreen Qoraayaasha Somaaliyeed ayaa Naadiga Qoraalka iyo Akhriska ee Hillin Hayaan waxa uu bilaabay Olole lagu dhiirigalinayo Qoraaalka iyo aqriska kaasoo lagu qabanayo Dugsiyada waxbarasho ee ku yaalo Magaalada Muqdisho.
Ujeedada ugu weyn ee barnaamijkaan loo qabanayo ayaa ah in dhalinyarada Soomaaliyeed lagu Booriyo in ay badiyaan aqriska iyo Qoraalka si loo helo dhalinyaro badan oo karti u leh wax curinta iyo aqriska.
Related posts
C/qaadir Cabdi Axmed (C/qaadir Jubba) Gudoomiyaha Naadiga Qoraalka iyo Akhriska ee Hillin Hayaan oo ka hadlay Munaasabada lagu soo bandhigay Buug uu qoray mid ka mid ah Qoraayasha Soomaaliyeed aya shegay in Barnaamijyadani ay ugu talo galeen in Iskuulada waxbarasho ee ku yaalo Gobolka Banaadir ay u soo bandhigaan Buugaagta ay qoreen aqoonyahanada Soomaaliyeed laguna dhiirigaliyo in ardayda ay soo saaraan Buugaag kana sheekeeyaan taariikhda ay soo mareen si Jiilka ka danbeeyey ay ugu faa’iideystaan.
C/kariin Maxamed Garuun oo ah xoghayaha Naadigaan ayaa kula dardaaramay dadkii ka soo qeybgalay in ay ku dhiiradaan qorista Buugaagta si loo helo dadbadan oo fikirkooda ku cabiro karo hab qoraal Buugeed.
C/raxman Maxamed Cali (Black) oo ka mid ah aqoonyahanada Soomaaliyeed ayaa dadkii ka soo qeybgalay waxa uu kula dardaarmay in ay ku dadaalaan sidii ay u qori lahaayeen Buugaag ay ugu sheekeynayaan xaaladihii ay soo mareen ama sheekooyinkii ku dhacay.
C/naasir Yuusuf Macallin Guddoomiyaha Somali Pen u qaabishan koofurta iyo Bartamaha Soomaaliya ayaa sheegay in Ololahaani uu muhiimad u leeyahay in dhalinyarada ay ku baraarugaan Qoraalka iyo Akhriska waxtarka uu u leeyahay in dadka wax aqriyo ay gaaraan horumar wanaagsan.
Ololahaan lagu dhiirigalinayo Qoraaalka iyo aqriska ayaa socon doono muddo afar bilood ah iyadoo lamari doono intabadan Dugsiyada waxbarasho ee ku yaalo magaalada Muqdisho,marka uu dhamaado Ololahani ayaa waxaa la soo saari doonaa Qoraal ka hadlaya faa’idooyinka laga gaaray.
