Qaar ka mid ah Nabaddoonnada gobolka Hiiraan oo la hadlay Radio Muqdisho ayaa ka hadlay dilal shalay Gobolka Hiiraan loogu geystay labo nin oo ka mid ahaa Ganacsatada Gobolka.
Nabaddoon Xasan Yuusuf Cali ayaa wax laga xumaado ku Tilmaamay falalkii dilka ahaa ee Gobolka loogu geystay shaqsiyaad ka mid ah Ganacsatada Baladweyn, isagoo bulshada ku nool Magaalada Baladweyn kula dar-daarmay inay Gacan ka geystaan iska qabashada Ragga wada falalka Argagixisada ah ee dilaya dadka wax galka u ah bulshada Gobolka isla markana diidan Nabadda dadka.
Si dookale Nabaddoon Jamaal xaaji cali ayaa tilmaamay in qorshahaan lagu dilay Ganacsatadaan ay tahay mid looga dan leeyahay in lagu joojiyo Howgallada ka Socda Gobolka kaa soo lagu saarayo Haraadiga kooxda Shabaab, wuxuuna ugu Baaqay laamaha Ammaanka Gobolka inay si deg deg ah u soo qabtaan gacan ku dhiiglayaashaasi dilay Ganacsatadaan aan waxba galabsan ee sida bareerka ah loo Dilay iyaga oo howshooda wata.
Horaantii sannadkii 2012 Gobolka Hiiraan waxaa laga saaray Kooxda shabaab oo halkaasi ku dhibaatay jiray dadka Ra’yidka ah iyada oo gobolkaas xilligaas wiixii ka dambeeyay Amnigiisu uu ahaa mid aad u wanaagsan hase ahaatee Muddooyinkii dambe waxaa Magaalada Baladweyn ee gobolka Hiiraan ka dhacayay dilal loogeysanayo Nabaddoonnada, Cuqaasha Waxgaradka iyo Ganacsatada, iyadoo hadda Bulshadu ay sugayaan Kaalinta Hay’adaha Amniga uga Aadan waxka qabashada Arrimahaas
