Xaflad balaaran oo ay soo qaban qaabisay Safaaradda Soomaaliya ee Magaalada New York ayaa loogu dabaal degay munaasibadda maalintii ay Gumeystihii Talyaaniga ka Xuroobeen Gobalada Koonfureed ee soomaaliya isla markaana ku Asteysan israacii Gobalada Waqooyi iyo Koonfur.
Dabaaldegga ayaa waxaa ka soo qeybgalay Xoghayaha Guud ee Q.midoobay Ban Kin Mon,Danjirayaasha Caalamka ee ku sugan New York, Masuuliyiinta Safaradda Soomalia, iyo Maqolal Dadweyne ah oo lagu marti qaaday xafladda.
Related posts
Xoghaya Guud ee Q,midoobay ayaa shacabka soomaaliyeed uga hambalyeeyay Xuska maalinta xoriyadda Soomaaliya isagoo sidoo kalana shacabka soomaaliyeed uga hambalyeeyay Hormarka balaaran ee soomaaliya ku talaabsaneyso.
munaasibadda ayaa waxaa qadka telephon-ka uga qeybgalay wasiirka arimaha dibadda soomaaliya C.raxmaan Hadliye Cumar isagoo uga mahadceliyay Xoghayaha guud ee Q.midoobay ka qeygalka Xafladdaasi isla markaana dadweynaha ka soo qeybgalay munaasibadda la qeybsaday farxadda sanadguurada 55- ee ka soo wareegatay xornimadii gobalada Koonfureed ee soomaaliya iyo israacii Waqooyi iyo Koonfur.
1988 ayaa ugu dambeysay Xaflad Tan lamid ah oo lagu qabto New York isla markaana lagu maamuusayo maalmaha Xoriyadda Soomaaliya.
