Mogadishu, 22 June 2015 – Wakiilka gaarka ah ee Xoghayaha guud ee Qaramada Midoobay u qaabilsan Soomaaliya Nicholas Kay ayaa sheegay in Qaramada Midoobay ay soo dhaweyneyso dhaarinta baarlamaanka dowlad goboleedka Galmudug, oo maanta Cadaado lagu qabtay munaasabad lagu dhaarinayay.
“Waxaan u hambalyeeynayaa Dowladda Federaalka ah ee Soomaaliya, Wasiirka Arrimaha gudaha iyo Federaalka ah Mudane Cabdiraxmaan Maxamed Xuseen, Guddiga farsamada iyo odoyaasha dhaqanka ee gacanta ka geystay in uu miro dhalo Nidaamka ku aadan hirgelinta Federaalka ah, waxaan rajeynayaa in inta ka dhiman shirka maamulka loogu sameynayo gobollada Mudug iyo galgaduud uu guul ku dhamaado, oo ay ku jiraan doorashada Madaxweynaha” ayuu yiri Mr Key.
UNSOM waxa ay sii wadaysaa taageerada ku aadan dhameystirka Maamulka hadda loo dhisayo bulshada ku dhaqan Gobollada Mudug iyo Galgaduud, isla markaana ay taageerayaan nabad ka dhalata geyiga Soomaaliya.
