Wakiilka Qaramada Midoobay ee dalka Soomaaliya Nicholas Kay ayaa soo dhoweeyay sii deynta 4 badmaaxiin ah oo dhowaan ay sii daayeen burcad badeed afduub u haysatay muddo 4 sano ah.
Badmaaxiintani ayaa u shaqeynayay markab lagu magacaabo FV Prantalay 12, ayaa koox burcad badeed ah waxa ay ka afduubatay 18kii April 2010.
Related posts
Shaqaalahan oo dhalashadoodu tahay dalka Thailand ayaa kooxdii haysatay waxa ay ku wareejisay masβuuliyiinta maamulka Galmudug 25kii bishan iyagoo ahaa shaqaalihii ugugu mudada dheeraa ee burcad badeed Soomaliyeed ay afduub u haystaan.
βWaxaan u mahadcelinayaa dhammaan dadkii ka qeybgalay sii deynta shaqaalihii ugu waqtiga dheeraa ee afduubka loo haystay dalka Soomaaliya gaar ahaan maamulka Galmudug,βayuu yiri Nicholas Kay.
Wakiilka Qaramada Midoobay ee Soomaaliya ayaa ku baaqay in la sii daayon 26 ruux dadka weli ay gacanta ku hayaan burcad badeeda Soomaalida ah. Sii deynta shaqaalahan afduubka loo haystay ayaa waxaa ka qeybgalay xafiiska u qaabilsan Qaramada Midoobay dambiyada iyo maandooriyaha ee (UNODC).
Markabka FV Prantalay 12 ayaa waxa uu ku safrayay calanka dalka Taiwan kadib markii ay burcad badeed Soomaali ah ay qabsatay markabka 2010 ayaa waxaa ay burcad badeedu markabka u isticmaali jirtey inay ku weerarto maraakiibta kale ee ay dooneyso inay afduubtaan. Hase ahaatee bishii July 2011 ayaa markabku uu degay, waxaana shaqaalihii markabka la geeyay dhulka.
Guud ahaan shaqaalaha markabkaa oo gaarayay 24 ruux ayaa lix ka mid ah waxa ay geeriyoodeen intii ay ku jireen gacanta kooxda afduubatay, hase yeeshee 12 badmaaxiin u dhashay dalka Myanmar la sii daayay.
Inkastoo uu hoos u dhac weyn uu ku yimid afduubashada maraakiibta xeebaha Soomaaliya ayaa waxaa weli ku jira gacanta kooxaha burcad badeeda 26 ruux oo ka mid ahaa shaqale u shaqeynayay FV Naham 3.
Hase yeeshee wadamo badan oo caalamka ah ayaa waxaa ku xiran in ka badan 1300 oo dhalinyaro Soomaaliyeed ah kuwaas oo loo haysto inay ku lug lahaayeen burcad badeednimo.
