Dawladda Nigeria ayaa garoomadeeda diyaaradaha ka xanibtay ilaa 10-shirkadood oo duulimaadyadyo shacab ku imaan jiray Nigeria, dib u eegis lagu sameeyey sharkadaha diyaaradaha baaxadda leh ee Nigeria taga.
Shirkadaha diyaaradaha ay Nigeria dalkeeda u diiday ayaa waxaa ka mid ah Air France, KLM oo Holland laga leeyahay, Lufthansa oo jarmalka uu leeyahay iyo Etihad air ways oo dalka imaaraadka laga leeyahay, Air Rwanda iyo Anir Namibia.
Go’aankan oo dhaqangal noqday maanta oo ah 5-September ayey Nigeria sabab uga dhigtay in dalalka ay diyaaradahaasi ka yimaadaan ay muwaadiniinteeda ku adkeeyeen halista dal ku galkooda, ayna Nigeria dad keenaan balse aysan wax badan ka qaadin, sida uu sheegay Hadi Sirika wasiirka duulista Nigeria.
Shirkadaha diyaaradaha ah British airways,Qatar airways,Turkish airlines, Ethiopian airlines, Egypt Air iyo diyaarado kale oo xanibaadda COVID-19, ka hor imaanayey Nigeria ayey wasaaradda duulimaadyadu siisay ruqsad ay shaqadooda ku sii wadan karaan.
Garoomada diyaaradaha Legos iyo Abuja ayaa dib loo furay maanta oo sabti ah, waxaana duulimaadyo ku tagay qaar ka mid ah shirkadaha fasaxa la siiyey.
