War-saxaafadeed kasoo Baxay Taliska Sare ee Heyโadda Sirdoonka iyo nabad sugidda Qaranka Soomaaliyeed ee NISA oo nuqul kamid ah lasoo gaarsiiyay Radio muqdishoย ayaa lagu faahfaahiyay duqeyn dhinaca Cirka ah oo habeenkiiย Axadda ay taariikhdu ku beegneyd 28-kii May 2016 lagu diley horjoogihii ugu muhiimsam kooxda Argagixisada ah ee Al-shabaab , Ahna Horjoogaha u qaabilsan dhinaca Gaashaan- dhigga, islamarkaana Maleeshiyaadka Dagaalama
Horjooge Yuusuf waxaa lagu dilay goob aan ka fogayn deegaankaย Kuunyo Barrow ee gobolka jubada dhexe oo ah saldhigga ugu wayn Al-shabaab labadii sanno ee lasoo dhaafay, xilli uu markaas kasoo baxay kulan uu la lahaa golaha fulinta Kooxda, oo lagu kala qaatay qorshaha weerarada bisha barakeysan ee Ramadaan iyo kuwa kale oo ay damacsanayeen in la fuliyo xiliga lagu guda jiro doorashada Soomaaliya ee Sanadkaan.
Related posts
Ninkaan waxaa lagu magacaabaa C/laahi C/shakuur Jimcaale, waxaa kaloo loo yaqaanaa Yuusuf Xaaji iyo Macalin Daaโuud, Daโdiisu Qiyaastii waa 38-40 sano jir,ย waxuu lahaa 3 Xaas iyo 11 Caruur ah, waxaa la dhashay oo Al-shabaab ka mid ahaa Maxamed C/shakuur Jimaale oo lagu Diley Dagaal UGUS la Gashay Ciidamada Dowladda Soomaaliya .
Yuusuf Xaaji oo ah Magaca looga yaqaano Gudaha Al-shabaab,waxaa uu muddo dheer ahaa Horjoogaha dhinaca Milatariga ย u qaabilsan Kooxda, waxaa uu sidoo kale masโuul ka ahaa Jabhadaha Dagaalama kuwooda Guud iyo kuwa gaarka ah, isagoo sidoo kale maamuli jirey inta badan lacagta soo gasha Maleeshiyaadka Al-shabaab, oo badankeeda lagu bixin jirey Dagaalada.
War-Saxaafadeedka ayaa sidoo kale lagu sheegay in ย Tan iyo markii uu geeriyooday Horjoogihii Kooxda Axmed Cabdi Gudane, uu Macalin Daaโud ย ujanjeerey xaga Qaraxyada iyo Dilalka qorsheysan ee Aminiyaadku Fuliyaan,Hogaankana uu qabtay Axmed Diireye (Abuu-Cubeyda) oo ah Nin ujanjeera Dhinaca Jabhadaha Dagaalama, Geestana Weerarada Abaabulan,
Heyโadda NISA, ayaa sheegtay in Yuusuf Xaaji uu Maskaxdkaxdii ka dambeysay โWeeraro raad reebay Sida weeraradii Leego,Janaale, Ceel-cadde,Laantabuure, Ruun-nirgood ,Puntland iyo Galmudug, maadaama Jabhada Hubeysan Dhammaantood ay isaga Hoosyimaadaan.
Yuusuf xaaji, wuxuuย ahaa horjoogaha kaliya ee ay si joogta ahย isku Arkaan hor joogahaย guud ee Al-Shabaab, isagooย xiliyo kala duwanย soo qabtay Amniyaadka dilalka qorsheeshan fuliya ee kooxda, waxaanaย dilkiisu uu Al-shabaab ku yahay dharbaaxo culus, maadaam uu uga dhignaa horjooge aanay sinaย uga maarmin, isagoo ahaa horjoogaha ay ka goโaan qorsha iyo talooyinka weerarada la sameenayo iyo halka la weerarayo.
War-saxaafadeedka Heyโadda NISA ayaa lagu soo gabagabeeyay, in dilka horjoogahan uu uga dhigan yahay Heyโadda NISA, dowladda, shacabka Soomaaliyeed, iyo saaxiibada Soomaaliya guul taariiqi ah.
War-saxaafadeedkan Waxaa ku saxiixan Taliyaha Heyโadda NISA Gen C.raxmaan Maxamed Tuuryare.
Xigasho SONNA
