Ururka qaran ee Suxufiyiinta Soomaaliyeed ee NUSOJ oo kaashaneysa Midowga yurub iyo tababarayaal ajaanib ah oo ka socda hey’adda hormarinta Suxufiuiinta ee Finland ee VIKES ayaa maanta Muqfisho ku daahfuray barnaamij loogu talagalay in lagu hormariyo Wariyaasha Soomaaliyeed kaas oo socon doona labada sano ee soo socota.
Daahfurka kaddib waxaa maanta bilowday Tababarkii ugu horreeyay oo ay ka qeybgalayaan 30 Wariye iyo 30 Agaasime waxaana bixin doona Macallimiin ajaanib ah oo kala ah JUHA REKOLA iyo PIEK JOHANSSON oo ka yimid Finland iyada oo lagu qaadan casharro ku saabsan xuquuqda shaqaalaha gaar ahaan Wariyaha waxa uu socon
Xoghayaha Guud ee NUSOJ Mohamed Ibrahim Moalimuu oo ka hadlay daahfurka barnaamijka ayaa sheegay in ay tahay markii ugu horreysay oo Wariyaasha Soomaaliyeed ay fursad u helaan in ay ka qeybgalaan tababar ku saabsan xuquuqda Shaqaalaha.
Peik oo ka socday VIKES ayaa isna sheegay NUSOJ ay kala sii shaqeyn doonaan sidii ay u gaari lahayd dhammaan Wariyaasha Soomaaliyeed ee u baahan in aqoontooda kor loo qaado.
Agaasimaha Guud ee Wasaaradda Warfaafinta DFS C/raxmaan Yuusuf Alcadaala oo daahfuray tababarka ayaa sheegay in Wariyaasha Soomaaliyeed ay baahi xoog leh u qabaan in ay ogaadaan xuquuqdooda iyo sida Wariyaasha aduunku ay u maraan xuquuqda shaqaalinimo.
NUSOJ ayaa tababarrdan gaarsiin doona dhammaan Wariyaasha jooga Gobolada dalka 2da sano ee Mashruucan socdo.
