Kadib doorashadii maanta ka dhacday magaalada Jopwhar, ayaa Nuur Iidow Beyle ku guuleystay doorashada kursigii ka bannaanaa Golaha Shacabka,kaddib markii uu helay 27 cod, halka C/llaahi Maxamed Cali Sanbaloolshe uu helay 24.
Guddoomiyaha Guddiga Doorashooyinka Qaranka ee Madaxa Banaan Xaliimo Ismaaciil (Xaliimo Yarey) ayaa ku dhawaaqday natiijada doorashada,iyadoo sheegtay in Nuur Iidow Beyle uu ku guuleystay.
Munaasabadda doorashada waxaa goob joog ka ahaa Madaxweynaha iyo Madaxweyne kuxigeenka Hirshabeele,iyadoo Nuur iidow Beyle iyo musharixiintii looga adkaaday doorashadaasi soo dhaweeyey qaabka ay u dhacday,una mahadceliyay guddiga doorashada iyo madaxweynaah Hirshabeele sida ay u haggeen howlaha doorashooyinkaasi iyo fududeyntooda.
Dhanka kale Guddoomiyaha Guddiga doorashooyinka Xaliimo Yarey ayaa uga mahadcelisay madaxweyen Waare dowrkii uu ka qaatay ka maamul ahaan fudueynta qabsoomidda doorashadaasi iyo qarshaadka ku baxay intuba,iyadoo ku tilmaantay in ay ahayd talaabo guul ay ku soo dhamaatay.
Ugu dambeyn madaxweynaha Maamulka Hirshabeele Maxmed Cabdi Waare ayaa soo dhaweeyey qaabak ay u dhacday doorashadaasi,wuxuuna ku ammaanay guddiga madaxa banana ee Doorashooyinka sida ay u guteen waajibaadkooda.
Magacyada Musharaxiintii marka hore ku tartamaysay kursiga Xildhibaanimo ee ka bannaanaa Golaha shacabka ayaa kala ahaa.
1- C/llaahi Maxamed Cali Sanbaloolshe
2- Cali C/llaahi Cosoble
3- Dahir Cabdulle Cawaale
4- Nuur Iidow Beyle
5- Dahabo Xasan Axmed
6- Xuseen Axmed Geelle
