Shir nabadeyn ah oo u dhaxeeya beellaha wada dega gobolka Mudug ayey ku yeesheen magaalada Gaalkacyo odayaasha dhaqanka ee Puntland iyo Galmudug.
Shirkan oo ka dhacay bartamaha magaalada Gaalkacyo waxa uu bilow u yahay shirar nabadeyn ah oo ay wada yeelan doonaan odayaasha dhaqanka ee Puntland iyo Galmudug kuwaasi oo looga hadlayo sida ay dadka gobolka wada dega nabad ugu wada noolaan lahaayeen iyo in xal loo helo xiisadihii horey u dhacay.
Related posts
Xubno ka tirsan Odayaasha labada dhinac oo kulanka markii uu dhammaaday wadajir saxaafadda ula hadlay ayaa ugu horeyn u mahad celiyey Guddoomiye ku xigeenka labaad ee Baarlamaanka Federaalka Soomaaliya Mudane Mahad Cabdalla Cawad oo isagu shirarkan dhaqaalaha ku baxaya bixiyey waxaana ay dhanka kale Odayaasha labada dhinac soo dhaweeyeen shirkan bilowga ah ee u qabsoomay.
Hoos Ka Dhageyso Hadalka Odayaasha:-
Guddoomiye ku xigeenka Labaad ee Baarlamaanka Federaalka Soomaaliya Mudane Mahad Cabdalla Cawad ayaa dhowaan booqasho ku tagay gobolka Mudug halkaasi oo kulammo kula soo qaatay qeybaha kala duwan ee bulshada oo ay Odayaasha ugu horeeyaan, maalgelinta shirarkanna waxey qeyb ka yihiin ballan qaadyadii uu Guddoomiye ku xigeenka labaad ee Baarlamaanka usoo sameeyey odayaasha.
Xuquuqda Sawirrada:-ย puntlandone
