Duqa Degmada Gaalkacyo ee maamulka Galmudug Md. Bile Diini Cali oo la hadlay warbaahinta ayaa ka warbixiyay howlahan nadaafadeed oo loogu mgac daray ka qeyb qaado dib usoo celinta bilicda magaalada Gaalkacyo kuwaasoo ka socday qeybaha ay magaaladaasi ka koobantahay isagoona dhanka kalena kula dar daarmay bulshada in ay ku dadaalaan ilaalinta nadaafadda.
“Maadaama magaalada Gaalkacyo ay ka da’een roobab fara badan roobabkii waxay ku reebeen waxyaabo fara badan oo haraadi ah gaar ahaan qashin fara badan sidaa awgeed waxaad ujeedaan shacabkii iney u istaagen ineey nadiifiyaan qashinkii faraha badnaa ee uu ka tagay roobkii sidaa darteed waxaan shacabka magaalada ku boorinayaa sidii ay maanta ugu istaageenn nadaafada in afarta xaafadood ee ay ka kooban tahay gaalkacyo loo wada nadiifiyo waxaana rayeeynaa in magaaladaani ay noqoto sideey horay ugu ahaan jirtay magaalo nadiifa” sidaas waxaa yiri duqa degmada Gaalkacyo Bile Diini Cali
Ol olaha nadaafadeed ayaa imaanaya xilli muddooyinkan u dambeeyay magaalada Gaalkacyo laga dareemayay nadaafad xumi ka jirta meelaha qaarkood oo ay roobab lixaad leh ka da,een.
