Guddoomiyaha Degmada Heliwaa Cabdixakiin Cumar Cabdulle ayaa maanta kormeer howleed ku tegay qaar ka mid ah Waaxyaha Degmada Heliwaa oo ay ka socoto olalaha dariseynta degmada.
Guddoomiyaha ayaa xaafadaha uu kormeerka ku tegay waxaa ka mid ah Suuqa Xoolaha iyo Waxarcadde, isagoo soo indho indheeyay hanaanka ay u socoto Olaha dariseynta Degmada , isla markaana xog wareystay qaar ka mid ah howlwadeenada ku shaqada leh Ololaha dariseynta Degmada.
“Waxaa si habsami leh Waaxyaha kala duwan ee Degmada Heliwaa uga socota Ololaha Dariseynta Degmada. waxaana maanta kormeer ku tagay Xaafadaha Suuqa Xoolaha iyo Waxaracade oo si weyn ay uga socotay ololahaas, waxaan aad ugu mahad celineynaa dadweynha ku dhaqan xaafadahaas oo si habsami leh noola shaqeeyay” ayuu yiri Guddoomiye Cabdixakiin.
Qaar ka mid ah shacabka Degmada Heliwaa ayaa soo dhaweeyay Ololaha dariseynta, iyago tilmaamay inay diyaar u yihiin la shaqeynta howlwadeenada ku howlan barnaamijkan.
Guddoomiyaha Degmada Heliwaa ayaa markale ka codsaday shacabka Degmada inay xoojiyaan la shaqeynta Maamulka iyo hay’adaha Ammaanka.
