Duqa Degmada Gaalkacyo Mudane Cabdiraxmaan Shiikh Xasan Oo wehliyo ku-xigeenkiisa Eng Maxamed Cabdi ayaa daah furay Ololaha dhir beerista iyo Bilic soo celinta Magaalada Gaalkacyo.
Ololahaan oo ay iska kaashanayaan Maamulka Degmada Gaalkacyo iyo Hay’adda CBD uuna kaalin Xooggan ka qaadanayo ururka Dhallinyarada ee Horseedka Horumarka ayaa Maanta lagu daah furay Xaafadda Garsoor waxaana goobjoog ka ahaa daah furkiisa Agaasime Waaxeedyo ka tirsan Dowladda Hoose iyo Shacab isxilqaamayaal ah kana qeyb qaadanaya bilic soo Celinta Gaalkacyo.
Mayarka Degmada Cabdirahmaan Shiikh Xasan ayaa sheegay in ololahaan bilic soo Celinta iyo dhir beerista isugu jira uu socon Doono Muddo 18-bari ah kaas oo si isku mid ah looga fulin doono shanta Xaafadood ee Magaalada Gaalkacyo.
