Maamulka Degmada Heliwaa oo kaa shanaya qeybaha kala duwan ee bulshada ku dhaqan degmada ayaa waxa ay wadaan ololo dib u dayactir loogu sameynayo wadooyinka halbowlaha u ah isu socodka gaadiidka iyo dadweynaha ku dhaqan Degmada Heliwaa.
Guddoomiyah Degmada Heliwaa Mudane Cabdixakiin Cumar Cabdulle ayaa maanta kormeer ku tegay Waaxda Waxar-Cadde ee degmada ayaa bogaadiyay ololaha dib loogu soo celiyo bilicdi ay lahaayeen waddooyinka muhiim ah ee degmada, isagoo shacabka ugu baaqay inay isku tashadaan, isla markaana ay ka shaqeeyaan horumarka degmadooda.
“Waxaan halkan u imid inaan u kuurgalo sida ay u socdaan ololaha dib loogu habeynayo Waddooyinka xaafadaha ee Degmada, waxaana idinku bogaadinayaa inaad sii labo jibaartaan howlaha la idin idmaday, waxaana abaal marin la siin doonaa Waaxdii ku guuleysata dib u soo celinta bilicdii ay Degmadu lahayd” ayuu yiri Guddoomiye Cabdixakiin.
