Masuuliyiin ka tirsan xubnaha golaha wasiirrada Galmudug ayaa maanta ka qeyb galay barnaamij qeyb ka ah ololaha wacyi galinta helitaanka biyo nadiif ah oo kasoo ay iska kaashanayaan wasaaradda Biyaha iyo Tamarta ee dowladda fadaraalka Soomaaliya iyo wasaaradda Biyaha iyo Korontada ee dowlad gobaleedka soomaaliyeed ee Galmudug.
Olalahaan wacyi galinta oo socan doono muddo dhowr maalmood ayaa waxa maanta lagu qabtay qaar ka mida xarumaha waxbarashadda ee ku yaala magaalada galkacyo kadib kormeer ay ku tageen xubnaha golaha wasiirrada Galmudug.
Related posts
Wasiirka wasaaradda Biyaha iyo Korontada ee Maamulka Galmudug Cawil Xirsi Goladiid ayaa sheegay in muhiimadda ugu weyne ee kormeerka ay tahay sidii wasaaraddu shaqadeeda dib ugu billaabi lahayd.
βUjeedka aan idinkugu nimid waa laba arrimood, ugu horreeyn waa inaan idin soo booqano anagoo mataleeyna wasaaradda biyaha iyo korantada nalagana rabo in aan wax ka qabano biyaha, si aan halkaan uga soo saarno biyo nadiifa ah waxaynu ognahay in cimiladu ay leedahay jawi marba heer ah kuleeyl iyo qaboow waa inaan idinla wadaagno barnaamijkaas salkiisuna waxa uu ku saleeysan yahay in arday kastaa uu helo biyo nadiif ahβ
Waa markii u horreeysay oo barnaamij wacyi galin ku aadan sidii loo heli lahaa biyo nadiif ah lagu qabto magaalada Galkacyo taas oo ay taaba galinteeda iska kaabayaan kaashanayaan wasaarada biyaha iyoTamartaΒ ee dowladda fadaraalka soomaaliya iyo wasaaradda biyaha iyo korantada eeΒ dowlad gobaleedka soomaaliyeed ee Galmudug
C/risaaq Maxamed Axmed Warbaahinta Qaranka Galkacyo
