Masuuliyiinta Maamulka Degmada Gaalkacyo ayaa billaabay dadaallo dib loogu dayactirayo layrarka cadceeda ku shaqeeya ee Solar-ka kuwaas oo aan dayactir helin tan iyo markii laga hirgaliyay magaalada Gaalkacyo sanado kahor
Qorshahaan dib loogu dayactirayo Layrarka cadceeda ku shaqeeya ayaa qeyb ka ah barnaamijyada Horumarinta nabadda iyo xasiloonida kuwaas oo dib loogu dayactirayo xarumaha dawladda iyo waddooyinka istiratiijiga ah ee magaalada dhexmara.
Gudoomiyaha dagmada Gaalkacyo Xirsi Yuusuf ayaa sheegay in dhammaan dib loo howlgalin doono leyrarka Cadceeda ku shaqeeya oo qaarkood waxyeelo kasoo gaartay dagaallo hore uga dhacay magaalada Gaalkacyo
Maamulka dagmada ayaa ugu baaqay bulshada Magaalada inay ilaashadaan waxa iyaga u dhexeeya, maamulkana uu ka tageerayo sidii loogala shaqayn lahaa horumarka iyo bilic soo celinta magaalada Gaalkacyo.
