Isu soo baxaan ay maanta sameeeyeen bulshada degmada Kaaraan ee gobolka Banaadir ayaa waxaa uu ahaa mid uu maamulka degmadaasi soo abaabulay ulajeedkiisuna ahaa in nadaafada degmada ay iska kaashadaan maamulka iyo bulshada degmadaasi.
Dadka isu soo baxay ee wadooyinka qashinka ka qaadayay ayaa waxaa ka mid ahaa ardeyda Iskuulaadka,haweenka,odayaal dhaqameeedka,maamulka degmada oo aan u kala harinta waxaana goob jog ka ahaa mas,uuliyiin ka socotay dowladda hoose ee Xamar,
Gudoomiyaha degmada Kaaraan Axmed Xasan Yalaxow ka qayb qaadanaya howlaha nadaafadeed ee maanta bulshada degmadu ay isugu soo baxeeen ayaa waxaa uu la hadlay bulshada waxaana uu sheegay in bilkasta lixdeeeda ay noqon doonto maalin nadaafada degmada laga shaqeeyo oo saan oo kale bulshadu isugu soo baxdo.
“Waxaan rabnaa laga bilaabo maanta bilkasta lixdeeda in ay noo ahaato maalin nadaafadeed dadweynaha degmada Kaaraan waxaan u sheegeynaa in ay nagala shaqeeyaan nadaafada oo ay nala xoojiyaan naadafadu waa iimaanka barkiis”ayuu yiri Yalaxow.
Agaasimaha howlaha guud ee dowladda hoose Sheikh Cumar Xuseen Maxamed oo goob jog ka ahaa goobaha howlaha nadaafadeeed ka socdeeen ayaa waxaa uu sheegay in bulshada reer Kaaraan looga fadhiyo in ay ka wada shaqeeyaan bilicda degmada isagoo maamulka ku amaanay hogaamintiisa Bulshada arimaha nadaafada.
“Waa in aan u sheegnaa dadka dagan wadada hareeeraheeeda in ay ka qayb qaataan bilicda degmada waana u mahadcelinaa ardada iyo hooyooyinka isugu soo baxay in ay nadaafada degmada ka shaqeeyaan waa arin muhiim ah arintaa waa in la xoojiyaa”ayuu yiri Sheikh Cumar.
SAWIR QAADE AXMED CALI KAAHIYE
