Olole nadaafadeed oo ay ka qeybqaateen mas’uuliyiin ka tirsan dowladda Federaalka iyo qaar ka mid ah bulshada ayaa maanta laga fuliyay qeybo ka mid ah magaalada Muqdisho iyo xarumaha wasaaradaha dowladda.
Gudoomiyaha gobolka Banaadir ahna duqa magaalada Muqdisho iyo xubno kale oo ka tirsan maamulka gobolka ayaa ka qeybgalay olole nadaafadeed oo maanta laga fuliyay inta u dhaxeysa Lambar Afar iyo isgoyska 14-ka Octobar Ex- Soobe.
Ololahan ayaa ujeedadiisu aheyd sidii sare loogu qaadi lahaa bilicda iyo nadaafadda magaalada Muqdisho, waana mid bil kasta todobaadka ugu dambeeyo laga fuliyo magaalada Muqdisho.
