Gudoonka sare ee Baarlamaanka Federaalka ah ee Soomaaliya ayaa sheegay in Xukuumadda Soomaaliya ay u gudbiyeen qorshe howleedka Baarlamaanka uu ku shaqeyn doono kalfadhiyada soo socda, si loo dar dar geliyo wada shaqeynta ka dhexeysa labada gole.
Guddoomiyaha baarlamaanka Federaalka ah ee Soomaaliya Mudane Xasan Sheekh Maxamuud oo lahadlay Warbaahinta Qaranka ayaa hoosta ka xariiqay in xukuumadda ay kalhore u gudbiyeen qorshaha u degsan baarlamaanka.
“Xukuumadda waxaan u bandhignay habka u shaqeyn doono Baarlamaanka kalfadhiyada 6aad, 7aad iyo kan 8aad, ama shintiriska uu golaha ku shaqeyn doono,si aan isla jaan qaadi karno, waxyaabaha ay u baahanyihiin in lee meeriyo oo ay soo kala hor mariyaan kuwa ahmiyadda u leh, waqtiga haray ma badna, waqtiga wuu yaryahay, in loo xoojiyo wada shaqeynta labada gole, in sidoo kale wadatashiga hay’adaha kale lala yeesho, sida culimaa’udiinka iyo qeybaha bulshada” ayuu yiri Prof Jawaari.
Afhayeenka Baarlamaanka ayaa xusay in tani ay tahay nidaam cusub oo ku saabsan in labada gole ay isla jaan qaadaan oo ay meesha ka baxdo is qab qabsi, isla markaana si wada jir ah loogu shaqeeyo danaha danta guud ee dalka.
