Wasaaradda deegaanka, beeraha iyo isbedelka cimilada Puntland ayaa soo saartay digniin la xiriirta roobab dabeylo wata oo la sheegay inay kusoo wajahan yihiin degaano ka tirsan Maamulkaas.
Qoraal kooban oo kasoo baxay Wasaaradda ayaa lagu sheegay in la saadaalinayo in roobab mahiigaan ah oo dabeylo wata ay ka da’aan degaannada Puntlnad, gaar ahan gobollada Nugaal,Bari iyo kuwa kale.
Qoraalka ayaa lagu sheegay in roobkaas uu sababi karo daadad xoogan, waxaana loogu baaqay dadka ku nool meelaah biyo mareenada ah inay ka tigtoonaadaan.
“Roobab mahiigaan ah ayaa la saadaalinayaa inay kusoo wajahan yihiin degaannada puntland, qeybo kamid ah gobolada Bari, Nugaal iyoSool & Sanaag ayaa la rajeynayaa inay heli doonaan rooob xoogan oo sababi kara daadad” ayaa lagu yiri War kasoo baxay Wasaaradda degaanka Puntland.
