Ciidamada Amniga Puntland ayaa ku guuleystay soo celinta xoolo ay dhaceen reer guuraa kasoo jeeda Puntland kuna soo wareejiyay reer guuraagii iska lahaa oo kasoo jeeday Galmudug
Taliye xigeenka qaybta Booliska Gobolka Mudug ee Puntland Gaashaanle Dhexe, Cabdi Siciid Xuseen Jamac (Koomaad) iyo masuuliyiin kale ayaa 21 Neef oo geel ah oo ay dhaceen reer guuraa kasoo jeeda Puntland oo, iyaguna geel ka maqanyahay ku wareejiyay reer guuraagii lahaa oo kasoo jeeday dhinaca Galmudug.
Munaasabada lagu wareejiyay 21 Neef ee geela ah oo gacanta ugu jiray reer guuraaga Puntland ayaa waxaa ka qeybgalay Guddoomiyaha iyo guddoomiye xigeenka dagmada Jariiban, Taliyaha Booliska Degmada xildhibaano, odayaal iyo qeybaha kala duwan ee bulshada.
Arrintaan ayaa ku soo aadaysa, iyadoo sanadihii ugu dambeeyay ay xoola dhaqatada Puntland iyo Galmudug si nabad ah ku wada daganaayeen dhul daaqsimeedka u dhaxeeya Puntland iyo Galmudug.
Dhinaca kalana Taliyaha qeybta Booliiska Gobalka mudug ee Galmudug Gashaanle dhaxe Cali Muuse Maxamuud iyo Taliye ku-xigeenka Ciidanka Xasilinta Booliiska gobalka mudug ee wadaaga u ah labada dowlad gobaleed kabtan Cabdifitaax Cali Dabaadi, ayaa warbaahinta qaranka u xaqiijiyay in eey ku daba jiraan geel laga soo dhacay xoolo dhaqato kasoo jeeda puntland.
Mas’uuliyiinta ayaa ugu baaqay dadka xoola dhaqata ah inay isku dhimriyaan kana shaqeeyaan nabada,oo ayna isku ixtiramaan daaqa.
