Maxkamada dembiyada culus ee Gobolada Bari iyo Sanaag ayaa u fariisatay dacwad ciqaabeed ka dhagana todobo rag oo la aaminsanyahay iney ka dambeeyen dilal loo geystay Taliye ku-xigeenkii labaad ee ciidanka booliska Puntland Gaashaanle Dhexe Jaamac Saxardiid Cabdi, Xeer Ilaaliyihii Maxkamadda Qalabka sida ee Puntland Cabdikariim Xasan Firdhiye iyo Agaasimihii Madaxtooyada Bosaaso Aadan Gaas Huruuse,
Dhalinyarada oo ka tirsanaa maleeshiyada Al-Shabaab ayaa dhamaan waxaa lagu xukumay dil toogasho ah, waxaana da’dooda u dhaxeysaa 17-sano jir illaa 32 jir, iyadoo in muddo ah ku xirnaayeen Xabsi ku yaalla Gobolka Bari.
Guddoomiyaha Maxkamadda Gobolada Bari iyo Sanaag Cabdifataax Xaaji Aadan ayaa ku dhawaaqay xukunka maxkamadu ku ridey ee dilka ah, waxaana uu intaa ku daray in xakunka uu u furanyahay racfaan muddo 30 cisho gudahood ah.
Dhalinyarada xukunka lagu riday waxay kala yihiin:
Nuuradiin Axmed Samatar Deerow (22 sano jir)
Ayuub Yaasin Cabdi (32 sano jir )
Cali Ismaaciil Cali (Cali gaab) (20 sano jir )
Xasan Aadan Xasan Maxamud (Gaalkacow ) (22 sano jir )
Cabdixakiin Maxamed Aways (24 sano jir )
Maxamed Yaasin Cabdi Maxamuud (17 sano jir )
Daa’uud Saciid Sahal Xasan (Labo suule) (18 sano jir )
Halkan ka dhageyso sida uu xukunka u dhacay
