Madaxweynaha Ruushka Vladimir Putin ayaa maanta oo Arbaca ah hoggaamiyaha Kuuriyada Waqooyi Kim Jong Un, ku qaabilay saldhigga Vostochny, oo ah goobta gantaallada hawada sare laga rido.
Labada hogaamiye ayaa kormeeray xarumaha Gantaallada hawada sare ee saldhiga Vostochny ee bariga fog ee Ruushka, sida lagu sheegay bayaan kasoo baxay Kremlin-ka.
Wakaaladda wararka ee Ruushka, ayaa ku warantay in Kim Jong Un, uu tareen ku tagay saldhigga Vostochny, halkaas oo labada hoggaamiyo ay ku yeelan doonaan wadahadallo diiradda lagu saarayo iskaashiga difaaca labada dal.
Moscow ay raadinayso inay hesho kaydkeeda madaafiicda Pyongyang, si Ruushku uu ugu adeegsado dagaalka uu kula jiro Ukraine, halka Pyongyang ay doonayso in Ruushka uu ka caawiyo sidii ay u casriyeyn lahayd qalabkeeda dagaal, gaar ahaan qalabka Milatari ee hawadeeda sare.
