Madaxweynayaasha Iran, Ruushka iyo Turkiga ayaa ku kulmaya Tehran si ay uga wada hadlaan qaabka mustaqbalka waddanka Siiriya loo xasilin lahaa ka dib sannado badan oo dagaal sokeeye ah ka socday ,iyada oo ay jiraan weeraro milatari oo ay iska kaashanayaan Dawladasaai si dib loogu soo celiyo gacanta Ciidamada Dawlada Siiriya magaalada Idlib.
Kulanka Jimcaha, Hasan Rouhani, Vladimir Putin iyo Recep Tayyip Erdogan ayaa la filayaa in ay saxiixaan heshiis ku saabsan iskaashiga milatari ee ka socda dalka Suuriya, xuquuqda dib u celinta qaxootiga ku barakacay iska horimaadka ama dagaalada, sameynta guddi baaritaan ku sameeya dhacdooyinka iyo dhibaatada dadka la xiray xukuumadda ama kuwa la waayay intii ay socdeen dagaaladaasi, sida laga soo xigtay wasaaradda arrimaha dibedda ee Iran.
Dagaalka sokeeye ee Suuriya,ayaa socda sannadkii siddeedaad, in ka badan nus milyan milyan oo qof oo reer Suuriya ah ayaa ku geeriyoodey , 11 milyan oo qof – in ka badan kala bar dadkaasi waxay ku barakaceen gudaha dalka ama dadalka deriska ayey ku nool yihiin ama qaxooti ku yihiin gudaha dalalka Lubnaan, Jordan, Turkiga iyo Yurub.
