Maanta oo Sabti ah, qaar ka mid ah hoggaamiyeyaasha Carabta iyo wafuud kale ayaa ku qulqulay caasimadda Ciraaq si ay uga qaybgalaan Shirka Iskaashiga Baqdaad.
Sida la qorsheeyay Shirkan ayaa waxaa ka qeyb galaya madax ay ugu horeeyaan madaxweynaha Faransiiska, boqorka Urdun, madaxweynaha Masar, madax ka soocta Imaaraadka iyo Kuwait, iyo tiro kamid ah wasiirrada Arrimaha dibadda Khaliijka.
Inta uu socda Shirkan ayaa la filayaa in looga hadli doona dhinacyo badan oo kala ah iskaashiga amniga, siyaasadda iyo dhaqaalaha.
Dowladda Ciraaq ayaa dooneysa inay xoogga saarto soo celinta kaalinteedii siyaasadeed ee gobolka, iyo in laga tageero dagaalka ay kula jirto kooxaha argagixisada ah.
Madaxweynaha Faransiiska, Emmanuel Macron, ayaa Jimcihii shalay gaaray caasimadda Ciraaq si uu uga qaybgalo Shirka Iskaashiga Baqdaad, sidoo kale Macron, ayaa la filayaa inuu booqdo Axadda beri ah Erbil iyo Gobolka Nineveh, oo ay ISIS aad u burburisay, taasi oo noqoneysa booqashadii labaad ee Madaxweynaha Faransiiska uu ku tago Ciraaq, wax ka yar hal sano.
