Ku dhawaad 30 Shaqaale oo ka kala socday Wasaaraddaha dowladda Federaalka Soomaaliya iyo maamul Gobolleedyada dalka isla markaana Muddo ku siman sadax todobaad qaadanayay Tababar la xiriira Dhinaca ka shaqaynta Isbadalka Cimilada iyo Deegaankaa kaas oo lagu qabtay dalka Kenya ayaa maanta dalka dib ugu soo laabtay.
Dhallinyaradaan ayaa waxyaabihii ay barteen waxa ay sheegeen in ay uga faa’iidayn doonaan dhallinyarada kale ee ka shaqeeya goobaha ay joogaan iyagoo sharraxay waxyaabihii ay barteen.
Wasiiru Dowlaha Xafiiska Ra’iisul Wasaaraha ee dhinaca Bay’ada Mudna Burci Maxamed Xamsa ayaa tilmaamay in ay ka go’antahay Dowladda horumarinta Arrimaha Deegaanka iyo shaqaalaha Dowladda.
Tababarkan mid la xiriira ayaa 30 kale oo ka shaqeeya Wasaaradaha Dowladda Iyo kuwa Dowlad Gobolleedyada waxa ay ku soo qaadan doonaan dhawaan dalka Kenya si ay waxbadan uga faa’iidaystaan qorshaha lagu doonayo in looga faa’iidaysto barashada Dhinaca Isbadalka Cimilada iyo Deegaanka.
Sawir Qaade:- Farxaan Suleymaan Daahir
