Qabsoomidda shirka Maamul u sameynta Mudug iyo Galgaduud oo meel wanaagsan maraya

Madaxweynaha Maamulka Ximan iyo Xeeb Cabdullaahi Cali Maxamed ayaa sheegay in Maamulkiisu uu dadaal ugu jiro sidii nabadgelyo uu ugu qabsoomi lahaa shirka maamul u sameynta Gobollada Mudug iyo Galgaduud kaas oo qorshuhu yahay in dhawaan la qabto.

Cabdullaahi Cali Maxamed iyo wafdi uu hogaamiyay oo socdaal shaqo kaga soo laabtay Muqdisho ayaa sheegay intii uu Muqdisho ku sugnaa ay kulamo la qaateen Madaxda dowladda, isla markaana ay isla garteen in shirka la qabto xilligii loogu talagalay, laguna qabto goobtii horey loo iclaamiyay.

Related posts

Wasiirka Gaashaandhigga XFS oo daahfuray Siyaasadda Qaran ee Ilaalinta Badqabka Rayidka Xilliyada Hawlgallada Ciidan iyo Colaadaha Hubaysan

September 6, 2026

Wasaaradda Warfaafinta XFS oo soo saartay xeerka dhaqan-gelinta iyo habraaca KMG ah ee hay’adaha dhaqanka iyo farshaxanka dalka

September 6, 2026

“Madaxda dowladda dhexe iyo beesha caalamku waxa ay garab taaganyihiin in dhismaha maamulka Galmudug iyo Galgaduud, anaguna aan ka shaqeyneyno qabsoomida shirka” ayuu yiri Cabdullaahi Cali Baarleex.

Madaxweynaha Maamulka Ximan iyo Xeeb ayaa sheegay in sugidda amniga ay qeyb ka noqon doonaan Ciidamada Nabad ilaalinta Midowga Afrika ee AMISOM.