Xoghayaha Guud ee Qaramada Midoobay, António Guterres, ayaa walaac xooggan ka muujiyay dhibatooyinka ka socda magaalada Jeniin ee Daanta Galbeed, kadib markii Ciidamada Israa’iil ay halkaasi ka bilabeen hawlgalkii ugu ballaarnaa muddo 20 sano ah oo ay ciidamada Israa’iil ku bartilmaameedsanayaan Shacabka reer Falastiin ee magaalada Jeniin.
Ciidammada Israa’iil, ayaa magaalada Jeniin, ka bilaabay weerarro ballaaran oo cir iyo dhul ah, halkaas oo ay ku dileen 9 falastiiniyiin ah, halka 28 kalena ay ku dhaawacmeen.
Sidokale, Hay’adda Qaramada Midoobay ee Gargaarka Qaxootiga Falastiin “UNRWA” ayaa soo saartay Bayaan Isniintii shalay, si loo hubiyo xaaladda dadka ku waxyeelloobay xerooyinka magaalada.
UNRWA, ayaa ku baaqday in Ciidamada Israa’iil ay si degdeg ah u joojiyaan howlgalka, si dadka dhaawacmay ay u helaan daryeel caafimaad.
