Qarax loo adeegsaday Gaari laga soo buuxiyey waxyaabaha Qarxa, ayaa goor-dhaw ka dhacay agagaarka Hotel Wehliye ee ku yaalla Nawaaxiga Isgoyska Dabka ee magaaladda Muqdisho.
Afhayeenka Wasaaradda Amniga C/casiis Cali Ibraahim ayaa Radio Muqdisho u sheegay in ilaa iyo 14-qof ay ku dhinteen Qaraxa, sidoo kalana ay dhaawacmeen ilaa iyo Lix ruux.
Dhanka kale Saraakiisha Caafimaadka ee Isbitaalada magaalada Muqdisho ayaa inoo xaqiijiyay in khasaaraha dadka dhaawaca uu soo gaaray ay ka badanyihiin ilaa iyo 10-qof.
Ciidanka Xoogga Dalka Soomaaliya ayaa mudooyinkaanba sii xoojiyay dagaalka ay kula jiraan Maleeshiyaadka Al-Shabaab, iyadoo howlgalo laga sameeyay qaar ka mid ah Gobalada dalka khasaaro badan loogu gaystay cadowga umadda Soomaaliyeed ee Al-Shabaab.
