Wararka ka imaanaya Deegaanka Xananbuure ee gobolka Galgaduud ayaa sheegaya in halkaasi uu ka dhacay qarax khasaaro u geestay Carruur isku qoys ah.
Qaraxa ayaa wararku sheegayaan in uu ka dhashay walxo aan qarxin oo looga tagay agagaarka gurigooda, halkaas oo ay carruurta kasoo qaadeen kadibna ay la qaraxday kolkii ay gar garaaceen.
Inta la xaqiijiyay labo carruur ah ayaa qaraxa ku dhintay, waxaana dhaawac ah labo kale, iyadoo sadax ka mid ah caruurta mashaqadu haleeshay ay isku qoys yihiin.
Dhaawacyada carruurta ayaa loo qaaday Isbitaalada Dhuusamareeb oo aan wali lasoo gaarsiinin sida waalidiinta carruurtan ay inoo xaqiijiyeen.
Inta badan goobaha lagu dagaalamo ayaa waxaa alaaba looga tegaa waxyaabo aan qarxin oo ah hubka haraadiga lagu dagaalamay, kuwaasi oo qasaare nafeed u geysta carruurta.
