Qarax loo adeegsaday gaari laga soo buuxiyey waxyaabaha qarxa oo la soo dhigay meel u dhow dhismaha Laanta Canshuuraha ee degmada X/jajab ayaa geystay khasaare isugu jira dhimasho iyo dhaawac.
Taliyaha qeybta guud ee Ciidanka Booliska gobolka Banaadir G/le sare Bishaar Abshir Geeddi ayaa Warbaahinta Qaranka u sheegay in gaariga la soo dhigay agagaarka dhismaha Laanta Canshuuraha, khasaarana uu ka soo gaaray dad rayid ah oo nawaaxiga dhismaha ku qaxweynayey.
Taliyaha ayaa sheegay iney dib ka soo sheegi doonaan faahfaahinta tirada dadka waxyeellada kasoo gaartay qaraxaasi.
