Labo qof oo waday Baabuur walxaha Qarxa laga soo buuxiyay ayaa weerar ku qaaday goob ay ciidanka Booliska dalka Turkiga ay ka sameynaayeen howgal oo ku taalla Magaalada Ankara ee dalka Turkiga.
Warbaahinta dowladda ayaa sheegay in Qaraxyada lagu diyaariyay goobta ay ciidanka ammaanka ay ka wadeen howgalka.
Labada qof ee is qarxiyay ayaa la sheegaya in ahaayeen Lab iyo dhidig sida ay shaacisay wakaalada wararka ee dalka Turkiga , waxaana la sheegaya in Qaraxyadaasi ay ku dhinteen askar ka tirsan ciidanka dowladda Turkiga.
Ilaa iyo hada lama shaacin khasaaraha rasmiga ah ee ka dhashay Qaraxyada ka dhacay dalka Turkiga , laakiin inta badan weerarada lagu qaado dalka Turkiga waxaa lagu eedeeyaa kooxda PKK oo dagaal culus kula jirta dowladda Turkiga.
