Ciidanka ilaalada xudduudaha Dalka Kenya ayaa Gacanta ku dhigay Lix Haween ah oo watay 16 Carruur Soomaaliyeed ah oo ka tallaabayay degaanka Lokiriama ee kala bara Yugaandha iyo Kenya.
Taliyaha Saldhigga Boliiska degaanka Lorugum, Charles Rono, ayaa sheegay in la xiray Qaxootigaasi iyo Laba Darawal oo u dhalatay Dalka Yugaandha, kuwaasi oo waday Gaadiidkii ay Dadkaasi ku safrayeen.
Waxa uu intaasi ku daray inay Dadkaasi doonayeen inay si sharci laโaan ah ku soo galaan Kenya, wuxuuna xusay inay Qaxootiga u gudbin doonaan Xerooyinka Qaxootiga ee Dhadhaab ama Kakuma, balse taasi beddelkeeda la marin doono baaritaanno dheeri ah goโaanno kalana laga qaadan doono.
Qaxootiga Soomaalida ee ku jirta Xeradda Dhadhaab iyo Kakuma ayaan loo oggolayn inay Dukumenti laโaan safraan, inkastoo Haweenka Soomaalida ee lagu qabtay Xuduudka Kenya la wadaagto Yugaandha ay wateen Baasaboorro.
