Related posts
Golaha ammaanka ee Qaramada midoobay ayaa si kulul u cambaareeyay Shalay weerar loo geystay Nabad ilaaliyayaasheeda ku sugan Dalka Jamhuuriyadda Afrikada dhexe.
Weerarkan oo ay geysatay mid ka mid ah Malleeshiyada Argagixisada ee halkaasi ku dagaalanta ayaa waxaa ku geeriyooday Hal Askari oo kasoo jeeda Dalka Tanzaaniya, halka Toddoba kalana lagu dhaawacay.
โWuxuu Golaha ammaanka dhaleeceynayaa weerar xooggan oo Saddexdii Bishan lagu soo qaaday xero ay ku sugan yihiin howlgalka xasilinta iyo is-dhex galka Bulshada Jamhuuriyadda Afrikada dhexe ee (MINUSCA) oo ka dhacay degaanka Dilapokoโ ayaa lagu yiri war murtiyeed kasoo baxay QM.
12, 000 oo Ciidamo ka socda howl galka MINUSCA ee QM ayaa ku sugan Dalka Jamhuuriyadda Afrikada dhexe tan iyo Sanaddii 2013-kii, markaas oo ay kooxo Islaamiyiin ah talada ka fara maroojiyeen Francois Bozize, oo muddo dheer soo xukumayay Dalkaasi.
Xigaasho : SONNA
