Kulankaan oo ay soo agaasimeen Maamulka dagmada Gaalkacyo ayaa waxaa ka qeyb galay masuuliyiin ka tirsan Galmudug ganacsato, siyaasiyiin waxgarad guddiga santuuqa horumarinta dagmada iyo xubno ka socday ururada Bulshada
Guddoomiye Ku-xigeenka dagmada Gaalkacyo Maxamed Cabdi Cilmi oo ugu horeyn ka hadlay kulanka ayaa sheegay in loo codeeynayo ansixinta mashaariicdii horay la isugu afgartay in laga bilaabo Gaalkacyo.
Ganacsade Cabdullaahi Axmed Faarax oo ku hadlayay magaca guddiga Sanduuqa horumarinta Dagmada ayaa tilmaamay inay meel wanaagsan wax u marayaan
Kulanka oo sidoo kale intii uu socday ay ka hadleen xubno ka socday ururada bulshada waxgaradka iyo ganacsato ayaa waxaa gunaanadkii ka hadlay Xildhibaan Bashiir Sheekh Axmed oo ka mida golaha baarlamaanka Galmudug iyo Guddoomiye Ku-xigeenka Gobalka Mudug ee maamulka, iyadoo dhanka kale dhamaan bulshadii kulanka ka qeyb gashay ay cod gacan taag ah ku ansixiyeen qorshaha Horumarinta dagmada Gaalkacyo
Dhawaan ayaa la filayaa in si rasmi ah loo bilaabo fulinta mashaariicda loo codeeyay in laga hirgaliyo sidoo kalana Caasimadda Galmudug uu ka dhici doono shirweynaha horumarinta degmooyinka Galmudug
