Maamulka degmada Waajid ee Gobolka Bakool ayaa shaaciyay in dib loo furayo Waddada Xiriirisa degmadaas iyo Magaalada Baydhaba ee Gobolka Baay.
Guddoomiye kuxigeenka Degmada Waajid ee Gobolka Bakool Caddow Cabdiraxmaan Jugle oo la hadlay Warbahinta Qaranka ayaa sheegay in Ciidamada Xoogga dalka dhawaan ay dib u furidoonaan waddada Xiriirisa degmada Waajid iyo Magaalada Baydhabo ee xarunta gobolka Baay.
“Ciiidamada Xoogga waxa ay go’aan ku gaareen in meelkasta oo ay joogaan kooxda Shabaab in laga saaro deegaannada ay Gobolka Bakool uga sugan yihiin Haddana waxa ay go’aansadeen in dib loo furo waddada xiriirisa Bakool iyo Baydhabo”
Shalay ayay ahayd markii ciidamada xoogga dalka ay la wareegeen Tuulada Goof-Gaduud halkaas oo saldhig muhiim ah u ahayd kooxda Shabaab.
