Barakacayaasha ku nool Kaamka Gargaar ee Xaafadda Xaawo Taako ee degmada Balcad ayaa walaac xoogan ka muujiyay roobka guga oo sacadihii la soo dhaafay ka da’ay Degmada, iyadoo saameen uu ku yeeshay goobihii ay seexan lahaayeen barakacayaashan
Qaar ka mid ah daka ku nool kaamka oo la hadlay Warbaahinta ayaa codsaday in la soo gaarsiiyo bacaha roobka, iyagoo sidoo kale dalbaday inay helaan agabka la isticmaalo Ramadaanka iyo waxa ay afur ka dhigtaan madaama maalmo ay ka harsanyihiin bisha Barakeysan ee Ramadaan
Xaaladaha adag ee soo foodsaartay dadkan ka soo barakacay deegaannada Yaaqle, Mukay dheere iyo Deegaano kale oo hoosyimaada Degmada Balcad ee Gobalka Shabeelaha Dhexe islamarkaana dib u dajin loogu sameeyay xero ku taala xaafadda Xaawo Taako ee Degmada Balcad ayaa imaaneysa, iyadoo maanta uu Degmada Balcad ka da’ay roobka guga
