Waxaa marba marka ka dambeysa sii krdhaya Fatahaada uu sameynayo webiga Jubba ee mara degmada Baardheere ee Gobolka Gedo, taasi oo ah tii ugu balaarneyd muddo ka badan ilaa 26 sanno ayaa sababtey in Kumanaan Qoys ay ka barakacaan Guryahooda.
Waxaa jira saameyn ka dhalatey Fatahaada webiga iyo Roobabkii cuslaaย ee da’ayey Maal mahan, waxaa gabaabsi ah helitaanka Cunnada, Daawada iyo adeegyada kale ee aas aasiga u ah Nolosha, waxaana xiran dhamaan wadooyinkii soo galayey Magaalada Baardhere iyo deegaananda ku xeeran.
Related posts
Tuulooyinka ugu daran ee dadkii deganaa una badnaa Beeraleyda ay ka barakaceen ayaa waxaa ka mid ah.Shimbiroole, Beel la ooday, Hureenaa, Lebi ooman, Dhakaajo, Xagar buule, Mugdiile, Bullo cadey, Bullo Asharaf, Beladul Amiin, Xagar gandooble, Baciidley, Bulsho, Lebi cad, Dhoobley, Tawakal, Bilisya iyo kuwa kale.
Waxaana ilaa muddo 7aad ah kala xiran isu socodka dadka , Gaadiidka iyo Xoolaha u kala gooshayey degmada Baardheere iyo deegaannada hoos yimaada, dhamaan Dadka ku nool tuulooyinkaasi ayaa dhibaatada fatahada iyo Daadadka Roobka waxaa u sii dheer dhamaan Dalagyadii u baxayey ee Beeraha Waraabka ayaa baabi’iyay.
Ma jiraan ilaa iyo hadda wax gargaar ah oo soo gaarey deegaanka,ย waxaana laga cabsi qabaa in haddii xaaladu ay sidaan ku sii socoto ay dhici kato in dadka ay gaajo iyo Macaluul u dhintaan..
