Qoysaskaan oo naftooda kala soo cararay dhibaatooyinka maleeshiyaadka argagixisada ee Al-shabaab ay ka geysanayaan deegaanada koofurta gobalka Mudug gaar ahaan deegaanada hoostaga magaalada Bacaadweyne ee gobalka Mudug ayaa cabasho ka mujiyay dhibaatooyin la xariira dhamaan adeegyada aas aaska u ah nolasha bulshada sida hoyga biyaha cunnada iyo caafimaadka.
Qoysaskaan oo aan maanta ku booqday xeryaha ay ku nool yihiin qaarkood ayaa waxa ay Warbaahinta Qaranka uga warbixiyeen xaaladooda nololeed iyo dhibaatooyinka xiligaan heysata , waxa ayna sheegeen in ay wajahayaan xaalad nololeed oo liidato.
Related posts
Sidoo kale waxaa jira boqalaal qoys oo aan ku jirin xeryaha barakaca balse dul saar ku ah qoysas ku nool qaar ka mid ah xaafadaha ย magaalada Gaalkacyo kuwaas oo ay iyaguna haysato dhibaatooyinka la xariira dhanka nolasha.
Deegaanada hoos tago magaalada Bacaadweyne ayaa waxaa bulshada ku nool mudooyinkii u danbeeyay ay ahaayeen kuwo dagaal adag la galay maleshiyaadka argagixisada ah ee Al-shabaab kuwaas oo markii ay jab kala kulmeen bilaabay in ay si gaadmo ah u dhibaateeyaan shacabka ku nool deegaanadaasi.
