Xilli ku dhawaad sodan kun oo qoysΒ oo ka barakacay magaalada Gaalkacyo ay ku sugan yihiin deegaanada ku dhaw magaalada isla markaana ay heysato dhibaatooyin la xariira dhanka adeegyada aas aaska u ah nolasha beni’aadamka ayaa waxaa maamulka Gobalka Mudug ee Galmudug ay biyo dhaamin u sameeyeen ku dhawaad kun qoys oo ku sugan tuulada Carfuuda oo ku dhawaad 30km dhanka waqooyi bari kaga began magaalada Gaalkacyo ee Xarunta Gobalka Mudug kadib kormeer ay halkaasi ku tageen mas’uuliyiin uu ka mid ahaa Guddoomiyaha Gobalka Mudug ee Dowlad goboleedka Galmdug C/rashiid Xaashi Cartan
Guddoomiyaha Gobalka Mudug ee Galmudug Mudane Cabdirashiid Xaashi Cartan oo la hadlay Warbaahinta Qaranka kaddib kormeerkaasiΒ ayaa sheegay in biyo ay la soo gaareen dadkii ka barakacay magaalada, isagoo intaa ku daray in iminka ay u baahanyihin gurmad kale oo dheeraad ah.
Related posts
Dhinaca kale C/rashiid Xaashi Cartan ayaa ku baaqay in loo wada istaago daminta colaada iyo dagaalada ka jira magaalada Gaalkacyo, si bulshada ay dib ugu soo laabtaan guryahooda.
“Waxaan ugu baaqayaa dhammaan madaxda maamulada Puntland iyo Galmudug in nabad laga wada shaqeeyo, nabaddu waa geed weyn oo la wada harsan karo inaan noqono dad Nabadda iyo daganaanta ku dadaalla”ayuu yiri Cabdirashiid.
Qaar ka mida dadka ku barakacay Deegaankaasi Carfuuda oo warbaahinta Qaranku ay wax ka weydiisay xaaladooda nolaleed iyo dhibaatooyinka heysta ayaa ka warbixiyay saameeynta ay nolashooda ku yeelatay barakacu, iyagooΒ ka mahad celiyay biyo dhaaminta iyo gurmadyada kale ee loo sameeynayo.
Β Β 
