Qunsulka guud ee Jamhuuriyadda Federaalka Soomaaliya ee Magaalada Jeddah ee dalka Boqortooyada Saudi Arabia Mudane, Siyaad Maxamuud Shire ayaa maanta si rasmi ah ula wareegay howlaha shaqo ee Qunsuliyadda guud oo dhowaan loo magacaabay, Kadib kullan soo dhoweyn ah oo uu u sameeyay Agaasimaha guud laanta Wasaaradda Arrimaha Dibadda Sucuudiga ee Magaalada Jeddah Danjire Mohamed Ahmed Dhayib .
Kulanka ayaa Qunsulka guud ee Soomaaliya ee Jeddah ku gudbiyay salaan iyo fariin uu ka siday Madaxweynaha Jamhuuriyadda Federaalka Soomaaliya , iyadoo la isku weydaarsaday aragtiyo ku aaddan xoojinta howlaha Qunsuliyadda iyo dadaalada loogu adeegayo dadka Soomaaliyeed ee ku nool dalka Sucuudiga .
Kulankan oo ku dhammaaday jawi isfaham leh , ayaa waxaa Qunsulka guud ku wehlinayay fadhigan Xoghayaha labaad ee Qunsuliyadda , Ayuub Ismaaciil .
