Golaha Qurbajoogta Soomaaliyeed waxay dareenkooda ku aadan xaaladda abareed ee ka dilaacday qeybo badan oo dalkeena ka mid ah la qeybsanayaan shacabka Soomaaliyeed ee ay ku dhufteen abaaraha sababay xaaladdo Beniโaadanimo oo daran ayna ugu wacan tahay roob yarri jirtay, taas oo keentay inuu dalagii soo bixi waayo, biyo yari, qiimaha cuntadda oo sare u sii kacayey iyo daaqa xoolahu ay quutaan oo qalalay. Waxaan sidoo kale meesha ka marneyn cudurro asiibay dadka iyo xoolaha la dhaqdo kuwaas oo ka sii daray xaaladda, kana dhigay mid halisteeda leh.
Inkastoo tirro sax ah ay adagtahay in la helo sababo la xiriira daruufaha dhanka amniga iyo caqabaddaha ka jira qeybo ka mid ah dalkeena awgeed haddana waxaa iska cad in tirro badan oo ka mid ah bulshadda Soomaaliyeed ee miyiga ku dhaqan ay wajahaan macluul iyo nafaqo darri aad u baโan.
Mushtamaca Soomaaliyeed ee miyiga ku dhaqan ayaa ku tiirsan dalaga ka soo goโa beeraha iyo xoolaha nool. Shabackan tabaaleysan ee miyiga waxay iyagoo aan waxba ka qaban karin iska daawadaan xoolahooda nool oo xeyn-xeyn u dhimanaya iyo dalagii oo engaga.
Qurbajoogta Soomaaliyeed waxay ku boorinayaan inay dowladda Soomaaliyeed, shacabka iyo qeybaha bulshada rayidka ah iska kaashadaan sidii deg deg wax loogu qaban lahaa qeybaha dalka ee ay abaarahu ku dhufteen, si loo yareeyo qasaaraha ka dhalan kara dhibaato weyn oo masiibo beniโaadanimo keeni karta.
Inkastoo ujeedku yahay xilliga dhow in la quudiyo dadka ay macluusha abaartu saameysay, haddana waxaan ku dhiirigalinaynaa dhamaan qeybaha kala duwan ee gacan ka geysanaya abaaraha in la dajiyo qorshe lagula tacaalayo roob yarida iyo masiibooyinka dabiiciga ah kahor inta aaney galaafan noole iyo maalba.
Qurbajoogta Soomaaliyeed waxaa loogu baaqayaa ka qeyb qaadasho door muuqda leh ee abaaraha ku dhuftay dalkeena, iyadoo loo marayo dhaqaale uruurin iyo wacyigalin laga dhex bilaabo wadamada ay ku kala nool yihiin qurbajoogta. Sidoo kalena cullumo awdiinka iyo hogamiyayaasha bulshadda ee qurbajoogta Soomaaliyeed inay hormuud ka noqdaan ololaha gacan looga geysanayo abaaraha iyo daruufaha adag ee ka dhashay.
