Ra’iisul Wasaaraha XFS Mudane Xamsa Cabdi Barre ayaa u hambalyeeyay geesiyada Xoogga Dalka iyo Daraawiishta Jubbaland kuwaas oo jab xooggan gaarsiiyay Khawaarijtii isku dayday in ay soo weerarto fariisimaha ciidanka.
“Waxaan hambalyo u dirayaa Ciidammada Geesiyasha Qaranka iyo kuwa Darawiishta jubbaland oo maanta jabiyay khawaarijta weerarkii fulaynimada ahaa ee ay soo qaadeen”
“Casharka ay ciidamadeenu u dhigeen maleeshiyaadkii khawaarijta ahaa ee saakay waabarigii weerarka kusoo qaaday degaannada Buulo-Xaaji Harboole iyo Miido ee Gobolka Jubbada hoose waxa ay muujineysaa sida ay mujaahidiinteennu uga adkadeen khawaarijta naflacaarig ah” ayuu yiri Ra’iisul wasaare Xamse Cabdi Barre
