Rafael Benitez ayaa loo magacaabay tababaraha cusub ee Newcastle United iyadoo maanta galinkii hore shaqada kooxdaan laga ceyriyay Steve McClearen.
Macalinkii hore kooxaha Napoli, Inter Milan, Liverpool, Real Madrid iyo Chelsea ayaa dib ugu soo laabtay England isagoo hogaamin doona kooxdisii sadexaad ee horyaalkaan kulanka ay Leicester City la ciyaari doonan todobaadkaan.
Newcastle United ayaa website-keeda rasmiga ah ku shaacisay iney sadex sano oo heshiis ah la gaareen Rafael Benitez kaas oo kooxo badan soo leyliyay guulana lasoo qeybsaday.
Agaasimaha kooxda Lee Charnley ayaa amaanay Rafa isagoo ku sheegay inuu yahay macalin guulo waaweyn uso hoyay kooxo waaweyn oo yurub ka dhisan taasna micnaheedu uu yahay iney heleen macalinkii ku haboonaa shaqada kooxda.
