Shir jaraa’id oo ay Bosaso ku qabteen Taliyaha Ciidanka Booliska Puntland, ku xigeenkiisa iyo taliyaha qayta Booliska Gobalka Bari ayay ku sheegeen weerarkii xalay inay ku dileen labo Al-Shabab ah, saddex kalen ay ku dhaawaceen, sidoo kalena ay gacanta ku dhigeen gaadiid gurmad u ahaa kooxda weerarka soo qaaday.
Saraakiishan waxay sheegeen dhankooda inuu kaga dhintay hal Askari, afar kalena oo dhaawac fudud ay ka soo gaartay weerarka, kuwaasi oo ay ku sheegeen in lagu dabiibayo xarumaha caafimaadka.
Taliyayaashaan waxay shirkooda jaraa’id kusoo bandhigeen dadkii ay gacanta ku dhigeen, Baastoolado iyo Gawaridi Falki xalay lagu fiyay, oo ay maleeshiyaadka kooxda Shabaab u adeegsadeen weerarkii ay ku qaadeen bar koontarool oo ay ku sugnaayeen ciidamado ka tirsan kuwa Puntland.
Raga lasoo qabtay ayaa waxaa la qabtay xilli gaarigii ay la socdeen uu la rogmaday , dhaawac ahaana loo dhigay isbitaalka guud ee magaalada Bosaaso , waxaana gaarigoodii laga helay hub kale duwan.
Dahlinayarada ayaaa waxa ay ka tirsanaayeen qaarkood kuwa dhaqa gaadiidka ee ka shaqaysta magaalada Bosaaso , sida warbaahinta uu ka sheegay mid ka mid ah dhalinyaradii weerarka gaysatay.
